Rangkuman Basa Sunda Kelas 6 SD: Kalimah Aktif jeung Kalimah Pasif

1. Kalimah Aktif

Kalimah aktif nyaeta kalimah anu subjekna ngalakukeun pagawean (predikat).

Conto kalimah aktif:

• Bapa nyandak sarung.
• Ema nilepan anggoan.
• Asep indit ka sakola.

Nurutkeun kaayaan objekna, kalimah aktif dibagi jadi 2 bagiean, nyaeta kalimah aktif transitif jeung kalimah aktif intransitif.

A. Kalimah Aktif Transitif

Kalimah Aktif Transitif nyaeta kalimah aktif anu kudu aya objekna. Kalimah aktif transitif bisa dirobah jadi kalimat pasif.

Conto kalimat aktif transitif:

• Ema masak kangkung.
• Desi ninggali kareta api.
• Adi nuju ngerjakeun PR.
• Dadang numpak sapedah.
• Asep ngapungkeun langlayangan.

B. Kalimah Aktif Intransitif

Kalimah aktif intransitif nyaeta kalimah aktif  nu teu bisa dirobah jadi kalimah pasif, kusabab dina kalimat ieu objek teu diperlukeun.

Conto kalimat aktif intransitif:

• Didin indit digawe.
• Jelema eta keur ngamen.
• Kukun ulin di lapang.
• Agus lumpat meuni tarik.
• Ade sare di kamar.

Sumber: pixabay.com

2. Kalimah Pasif

Kalimah pasif nyaeta kalimah anu subjekna keuna ku pagawean.

Conto kalimat pasif:

• Buku eta dibawa Tini.
• Sapedah Adi geus diomean ku bapana.
• Anjeuna katerap malaria.

A. Kalimah Pasif Transitif

Kalimah pasif transitif nyaeta kalimah pasif anu ngabogaan objek, jadi bisa dirobah ka kalimah aktif.

Conto kalimat pasif transitif:

• Kangkung dimasak ku ema.
• Kareta api ditinggali ku Desi.
• PR nuju dikerjakeun ku Adi.
• Sapedah ditumpakan ku Dadang.
• Langlayangan diapungkeun ku Asep.

B. Kalimah Pasif Intransitif

Kalimah pasif intransitif nyaeta kalimah pasif nu teu ngabogaan objek, jadi teu bisa dirobah ka kalimah aktif.

Conto kalimah pasit intransitif:

• Joko dihudangkeun nalika ashar.
• Imah eta geus lila dibangun.
• Beas panen dijual ka pasar.
• Sapedahna keur diomean.
• Tali pancing dialungkeun ka tengah balong.