Rangkuman Basa Sunda Kelas 6 SD: Kalimah Pananya

Kalimah pananya nyaeta kalimah anu dipake pikeun nanyakeun hiji hal atawa hiji jalma. Kalimah pananya biasana ditungtungan ku tanda baca pananya (?).

Aya sababaraha cara pikeun ngawangun kalimah pananya, di antarana:

1. Pake kecap naha enya di hareupeun kalimah wawaran. 
Contona: "Naha enya manehna kungsi ulin ka Taman Mini Indonesia Indah?"

2. Ngarubah lentong (intonasi) kalimah jadi lentong kalimah pananya. Dina wangun tinulis ditandaan ku tanda tanya (?).

3. Malikeun susunan kalimah wawaran. 
Contona:

• Manehna kungsi ulin ka Taman Mini Indonesia Indah.
• Naha enya manehna kungsi ulin ka Taman Mini Indonesia Indah?

4. Ngagunakeun kecap lain atawa sanes. 

Conto: Lain manehna mah can kungsi ulin ka  Taman Mini Indonesia Indah?

5. Ngagunakeun kecap pananya luyu jeung fungsina, kecap pananya dina kalimah pananya nyaeta saha, mana, iraha, naon, sabaraha, jeung sajabana.

Kalimah pananya anu digunakan dina wawancara pikeun naskah berita ngagunakeun pola 5W+1H, nyaeta:

1. WHAT nyaeta  naon

2. WHEN nyaeta iraha

3. WHERE nyaeta di mana

4. WHO nyaeta saha

5. WHY nyaeta kunaon

6. HOW nyaeta kumaha

Sumber: pxhere.com

Conto kalimah pananya:

1. Saha nu indit jeung Riri ka Pasar Baru teh?

2. Di mana imahna Jaka teh?

3. Kamana inditna jalma teh?

4. Saha eta lalaki anu nyulik budah awewe teh?

5. Iraha acara perpisahan teh lumangsungna?