Rangkuman Basa Sunda Kelas 6 SD: Biantara

Biantara nyaeta nyarita di hareupeun balarea. 

Sedengkeun anu dimaksud ceramah nyaeta biantara ngeunaan elmu pengarewuh, agama, ekonomi, sosial, budaya, atawa kasehatan.

Bagean-bagean biantara:

• Bubuka, ngawengku salam pamuka, sanduk-sanduk, puji sukur, judul biantara atawa nyebutkeun jejer nu baris dipedar.
• Eusi, ngawengku bahasan nu baris dipedar saluyu jeung jejer nu ditepikeun dina bubuka.
• Panutup, ngawengku kacindekan singget, sanduk-sanduk, menta hampura, jeung salam panutup.

Dina biantara sok aya kalimah saperti "hadirin anu dipihormat" atawa "hadirin anu di mulyakeun" biasana aya dibagian bubuka jeung eusi, samemeh panutup. Biasana diucapkeun pikeun ngagentraan nu hadir.

Sumber: pixabay.com

Sababaraha metode nu bisa dilalukeun dina nyarita nepikeun biantara, diantarana:

• Metode impromptu nyaeta biantara sacara dadakan.
• Metode naskah nyaeta biantara bari maca naskah.
• Metode ngapalkeun biantara ku jalan ngapalkeun teks naskah nu aya.
• Metode ekstemporan nyaeta biantara campuran antara metode naskah jeung ngapalkeun.

Hal-hal nu kudu diperhatikeun saumpama rek biantara, nyaeta:

• Lentong jeung sora, kudu jentre tur merenah dina ngalapalkeun kecap-kecap.
• Nyangkeum eusi biantara anu ditepikeun.
• Sikep jeung pasemon kudu luyu jeung eusi biantarana.