Rangkuman Basa Sunda Kelas 6 SD: Babasan

Babasan nyaeta sawatara susunan kecap nu hartina teu sarua jeung harti sawajarna, tapi biasana geus kamaphim ku sarerea.

Babasan oge hartina ucapan maneuh anu dipake dina harti injeuman.

Conto babasan:

• Ahli leleb: hartina beuki barang dahar.
• Akal koja: hartina akal jahat.
• Amis budi: hartina hate budi teu weleh seuri ka batur
• Amis daging: hartina babari kakeunaan ku panyakit kulit, contona borok.
• Asa bucat bisul: ngarasa lugina sanggeus ngarengsekeun gawe beurat.
• Atah adol: hartina kurang ajar.
• Aya bagja teu daulat: hartina teu tulus meunang bagja.
• Ayem tengtrem: hartina seneng hate, teu boga kasieun atawa kahariwang.
• Babalik pikir: hartina sadar tina kasalahan.
• Beak dengkak: hartina geus ikhtiar rupa-rupa tapi teu hasil.
• Benkok tikoro: hartina teu kabagean dahareun lantaran telat datang.
• Beurat birit: hartina kedul, hese dititah.
• Bodo alewoh: hartina bodo tapi teu daek tatanya.
• Buntut kasiran: hartina pedit, koret hese mere ka batur.
• Cueut ka hareup: hartina jelema nu geus kolot.
• Dogdog parewong: hartina saukur omongan panambah.
• Elmu ajug: hartina mapatahan batur bari sorangan teu bener.
• Epes meer: hartina babari ceurik, babari peunggas harepan.
• Hampang birit: hartina babari dititah, heunteu kedul.
• Atah anjang: hartina langka nganjang ka batur atawa ka tempat-tempat lianna.
• Harewos bojong: hartina ngaharewos tapi kadenge ku batur.
• Haripeut ku teuteureuyeun: hartina babari kapincut ku pang bibita.
• Hampang leungeun: hartina babari neunggeul.
• Hejo tihang: hartina resep pipindahan.
• Heuras genggerong: hartina ngomongna kasar.
• Kembang buruan: hartina budak keur meujeuhna resep ulin di buruan.
• Leumpeuh yuni: hartinateu kuat nenjo nu pikasieuneun/pikareuwaseun.
• Ngabuntut bangkong: hartina teu puguh tungtungna, teu nepi ka rengse.
• Nyoo gado: hartina ngunghak, ngalunjak.
• Era paradah: hartina era ku kalakuan batur.
• Geulis gunung: hartina katinggali ti kajauhan alus tapi beh deukeut goreng.